Журналдың тарихы

«Logos: Eurasian Journal of Philosophy» — академик Е. А. Бөкетов атындағы Қарағанды ұлттық зерттеу университеті шығаратын халықаралық рецензияланатын ашық қолжетімді ғылыми журнал. Журнал философия саласындағы түпнұсқа ғылыми мақалалар мен шолу материалдарын жариялайды. Журнал қазақстандық және шетелдік ғалымдардың зерттеу нәтижелерін жариялауға арналған ашық академиялық алаң қалыптастыруға бағытталған. Философияның негізгі мәселелерін қарастыратын ғылыми еңбектерге, сондай-ақ философиялық ғылым саласындағы пәнаралық зерттеулерге ерекше назар аударылады.

«Logos: Eurasian Journal of Philosophy» 1996 жылдан бері шығарылып келген «Вестник Карагандинского университета. Серия История. Философия» басылымының ізбасары болып табылады. Журналдың сабақтастығы тарихи ғылыми бағытты, академиялық дәстүрлерді, редакциялық қағидаттарды, жарияланатын материалдардың сапасына қойылатын талаптарды және тарих ғылымын дамытуға бағытталған ұстанымды сақтаудан көрінеді. Осылайша, жаңа атау басылымның институционалдық дамуының жаңартылған кезеңін білдіреді, ал оның ғылыми негізі мен бұрынғы журналдың көпжылдық тарихымен байланысы сақталады.

1996 жылдан 2009 жылға дейін журнал тек баспа нұсқасында шығарылды, ал 2010 жылдан бастап баспа және электрондық форматтарда қатар шығарыла бастады. Бұл ғылыми материалдарға қолжетімділікті кеңейтіп, жарияланатын зерттеулердің көріну деңгейін арттырды. Бұрынғы басылымның баспа нұсқасына ISSN 2518-7236, ал электрондық нұсқасына ISSN 2663-5100 берілген.

2026 жылы басылым өзінің құрылғанына 30 жыл толуын атап өтті. Осы кезең ішінде «Вестник Карагандинского университета. Серия История. Философия» Қазақстан және шетел ғалымдарының отандық және дүниежүзілік тарихтың, тарихнаманың, деректанудың, археологияның, этнологияның, философияның және сабақтас әлеуметтік-гуманитарлық бағыттардың өзекті мәселелері бойынша зерттеулерін жариялайтын ғылыми алаң ретінде қалыптасты. Журнал академиялық диалогты дамытуға және Қазақстан мен басқа елдердің ғалымдары арасындағы ғылыми-зерттеу байланыстарын нығайтуға ықпал етті.

2026 жылғы № 1 (121) шығарылымнан бастап «Вестник Карагандинского университета. Серия История. Философия» журналы қайта ұйымдастырылып, екі дербес ғылыми басылымға бөлінді. Қайта ұйымдастыру академик Е. А. Бөкетов атындағы Қарағанды ұлттық зерттеу университеті Ғылыми кеңесінің 2026 жылғы 30 қаңтардағы № 9 хаттамасымен ресімделген шешімі негізінде жүзеге асырылды. Нәтижесінде бұрынғы журналдың философиялық бағыты «Logos: Eurasian Journal of Philosophy» атауымен жеке ғылыми басылым ретінде шығарыла бастады.

Философиялық бағыттың дербес журнал болып бөлінуі басылымның пәндік мамандануын күшейтуге, оның ғылыми бейінін нақтылауға және редакциялық-сараптамалық жұмысты философия саласындағы зерттеулерге шоғырландыруға мүмкіндік берді. Жаңа атауға көшу барысында журнал бұрынғы басылыммен академиялық бейіні, тақырыптық бағыты, редакциялық саясаты, қолжазбалардың сапасына қойылатын талаптары және қосарланған жасырын рецензиялау рәсімі тұрғысынан сабақтастық байланысын сақтап қалды.

Бұрынғы «Вестник Карагандинского университета. Серия История. Философия» атауымен жарияланған барлық мақалалар мен материалдар архивте сақталады және оқырмандар, авторлар мен зерттеушілер үшін қолжетімді болып қала береді. Бұрынғы басылымның архиві «Logos: Eurasian Journal of Philosophy» журналының библиографиялық және ғылыми тарихының ажырамас бөлігі болып табылады. Бұл ғылыми коммуникацияның үздіксіздігін, академиялық жадының сақталуын және журналдың зерттеу дәстүрінің сабақтастығын қамтамасыз етеді.

Қазіргі уақытта «Logos: Eurasian Journal of Philosophy» ашық қолжетімділік, тәуелсіз сараптамалық рецензиялау, ашық әрі айқын редакциялық саясат, жарияланымдық әдеп және академиялық адалдық қағидаттарын ұстанатын ашық ғылыми журнал ретінде қызмет етеді.